España, potencia mundial do Twitter

Semiocast, unha empresa francesa que elabora estudos para marcas comerciais, así o constata. O pasado mes de xaneiro e tras analizar 383 millóns de perfís de Twitter, presentou o seu informe condensado en dúas gráficas. Atendendo a estudos previos e grazas ás plataformas, bases de datos e ferramentas das que dispón, esta empresa especializada nas relacións entre consumidores a través das redes sociais concluíu a súa investigación guindando dous datos moi importantes, que sen dúbida son reflexo da situación actual mundial.

Primeiramente, Semiocast presenta unha gráfica dos 20 países con máis usuarios en Twitter, e salienta a posición de Brasil, como o segundo país no mundo. Brasil, como se observa, xa adiantou a Xapón e só é superado polos EE.UU. Amais, cabe destacar o papel de España, xa que nos situamos novenos na listaxe, moi por riba de países coma Francia ou Alemaña que posúen moitos máis habitantes.

E a segunda parte do estudo non é menos relevante, pois non só importan os millóns de usuarios de Twitter en cada país, senón cómo son eses usuarios : activos ou máis ben pasivos. E resulta que, a pesares de ocupar o posto 16 da lista anterior, os holandeses demostraron ser os máis activos : foron eles os que máis "twittearon" durante o estudo (setembro 2011-novembro 2011) e tamén os que máis actualizaron a súa conta de Twitter e os que máis se conectaron.

Pero ó igual ca antes, Semiocast presenta a España nunha posición alta desta listaxe : somos os terceiros do mundo máis activos en Twitter, a pesares de non ter tanta tradición coma os países anglosaxóns nisto das redes sociais..xa vedes, somos unha potencia mundial no Twitter!

¿Que é o máis importante para un adolescente de hoxe en día?

Este estudo realizado polo sociólogo Jorge Baeza, demostra o carácter individual e egoísta que temos os adolescentes da actualidade, pois para un 85% da poboación o máis importante é a familia, para un 79% o seu futro e para un 62% os seus estudos.

Artigo: O que poucos saben das influencias das redes sociais

Dise da nosa xeración que somos “a xeración informática”, que pasamos a meirande parte do noso tempo “encerrados” ou “aislados” por mor das novas tecnoloxías. Pero, en que se basean para dicir isto? Cos avances tecnolóxicos e coas novas tarifas de internet everywhere  das compañías telefónicas, cada vez máis asequibles, o de “estar co ordenador todo o día encerrado na casa” non vale. Falan de illamento, pero empregamos o ordenador sobre todo para poder ingresar nas redes sociais, como Twitter, Facebook ou Tuenti, as redes máis empregadas en España.

Estas redes son empregadas para comunicarnos cos nosos amigos como é o caso de Tuenti e Facebook, ou para dar a nosa opinión ó mundo enteiro en Twitter. De verdade isto íllanos? De verdade isto vólvenos máis solitarios e individuales? Non. Un estudo da Universidade de Navarra (o cal desmonta o mito autonomía=pouca socialización), entre outras cousas, obtivo como conclusión que “O emprego das  redes sociais entre os menores intensifica as súas relacións sociais reais, pois o 50% dos usuarios avanzados de redes sociais emprégaas en compañía dos seus amigos”. Ou o que é o mesmo, empregar as redes sociais, intégranos, axúdanos a coñecer a máis xente, é dicir, vólvenos máis sociais, e polo tanto, máis colectivos, pois en redes como Twitter podemos preguntarlle ós nosos seguidores consello sobre un tema, ou facer un evento en Tuenti ou Facebook  movilizando á poboación en casos coma o 15 M. 

Outros resultados obtidos de este estudo son:

-Os usuarios máis avanzados en redes sociais, decláranse máis autónomos respecto á navegación, porén, canto máis empregan as redes sociais, valoran máis a navegación cos seus amigos: a metade dos usuarios avanzados recoñecen navegar con amigos, un dato que se queda no 35% cando se trata de xóvenes que no utilizan as redes sociais.

-O 70% de usuarios avanzados en redes sociais emprega a tecnoloxía como axuda para os estudos ou para as tarefas escolares, porcentaxe que se reduce ó 50% cando se trata de persoas sen redes sociais.

Todo isto quérenos dicir que non só son mentiras a maioría das cousas que se din das redes sociais e dos videoxogos respecto a temas sociais, senón que estes axudan á mellorar a calidade da nosa vida social. 

Curiosidades: un videoxogo que axude a nenos autistas?

Son moi habituáis as críticas ás industrias dos videoxogos, pola suposta tendencia ó illamento que estes producen, pero os investigadores da Universidade de Missouri están investigando sobre os efectos positivos nos nenos con autismo que poderían ter os videoxogos.

O experimento consiste no estudo do feedback neuronal mediante Space Race, un xogo creado ex profeso para este estudo, que consiste nun cohete que dependendo da atención que lle preste o noso cerebro, viaxará máis ou menos rápido. Isto lles permitirá ós científicos monitorizar a actividade cerebral para poder ver cales son os estímulos e as acción para poder “entrenar” o cerebro dos nenos autistas, ensinándolles a regular as súas propias funcións cerebrais, incrementando as súas interaccións sociais, o seu apetito e as súas horas de sono.

Space Race, un novo método paliativo

O poder dos videoxogos sobre os nenos autistas xa foi discutido anteriormente no blog persoal de MaryTara Wurmser, nai dun neno autista que amosa as experiencias do seu fillo e eloxia as boas influencias que ten Nintendo Wii, pois a súa interface amigábel e amena, permitiulle ó neno superar bastantes complexos.

Todo isto demostra que os estigmas sobre a sociedade individual e aislada que están a crear as novas industrias de comunicación e entretimento informático, como as redes sociais, son simplemente estigmas, e que todo pode ser beneficioso se se emprega axeitadamente.